O pasado xoves, 12 de marzo, a nosa biblioteca escolar recibiu unha visita moi especial. Emma, de 4º D, foi a encargada de encher o noso recuncho de lectura de creatividade e cor coa súa narración.
O libro escollido foi "Unha fábrica de riscos". Cunha lectura fantástica e chea de entusiasmo, Emma levounos a un mundo onde a fantasía non ten límites, recordándonos a todos que a imaxinación é a mellor ferramenta que temos para crear cousas marabillosas. Foi un momento de lectura compartido que nos deixou a todos con moitas ganas de seguir soñando.
Non vos perdades o vídeo da lectura de Emma; podedes velo premendo no enlace de abaixo:
Moitas grazas, Emma, por compartires esta historia tan orixinal con todos nós e por facelo tan ben!