O pasado xoves, 16 de abril, a biblioteca do noso cole preparouse para unha viaxe de altura. As encargadas de guiarnos nesta aventura foron Marina e Valeria, de 2º B, que nos presentaron o conto "Sofía, la golondrina".
Cunha lectura fluída e chea de ledicia, as nosas contacontos fóronnos descubrindo a historia de Sofía, unha andoriña que nos ensina o valor da amizade e a importancia de observar os cambios que nos trae a natureza. Marina e Valeria souberon transmitir perfectamente esa curiosidade por explorar o mundo, facendo que todos os presentes nos sentísemos como se estivésemos voando xunto á protagonista.
É marabilloso ver como estas pequenas lectoras de segundo van collendo o temón da biblioteca e nos regalan momentos tan divertidos e cheos de aprendizaxe.
Queres viaxar con Sofía, Marina e Valeria? Preme no vídeo para desfrutar da lectura que prepararon estas dúas grandes compañeiras:
Moitas grazas, Marina e Valeria, por traernos esta historia tan primaveral e por facernos pasar un rato tan bo entre libros!