Hoxe poñémoslle fin a un curso máis.
Un curso que empezou non sen certo temor pola situación vivida.
Un curso con dificultades que fomos superando con afán e perseveranza.
Un curso no que os nosos pequenos e pequenas se esforzaron en cada momento por manter alonxado ese virus que aínda nos ameaza.
Hoxe celebramos que remata, co noso festival virtual, preparado con gran ilusión para todos vós!
Agardamos que vos guste!!!
Feliz verán!!!
O alumnado de 4º A estivo aprendendo moitas cousas sobre a prehistoria e fixo diferentes traballos en PowerPoint, cartolina e estas fantásticas maquetas!
Agardamos que vos gusten moito, foi un traballo moi interesante e aprenderon moito sobre os nosos antepasados.
Grazas por compartilas con nós!
Xa hai uns días que felicitamos aquí a Carolina, de 3º A, por ser premiada no Certame de Microrrelato CSIF-ENSINO Letras Galegas.
Hoxe presentámosvos o seu relato para que todos poidades desfrutar del, e deixámosvos as fotos da entrega do premio.
De novo, parabéns polo teu estupendo traballo, Carolina!
Hoxe felicitamos a Carolina, de 3º A, polo seu premio obtido neste certame de microrrelatos!
Ela participou creando un texto que titulou "Darío a diario", e acadou con el o 1º premio na categoría de Educación Primaria.
Parabéns, Carolina!
Como peche da semana das Letras Galegas, deixámosvos este vídeo preparado polo alumnado de 1º A e 1º E, que está inspirado no libro dos Bolechas "Todos os bebés son tu", dedicado a Xela Arias.
Tamén os nenos e nenas de 1º B queren compartir con nós as súas coplas, que cantan así de ben!
