Para conmemorar o Día Internacional da Muller, o pasado venres 6 de marzo contamos cunha sesión de lectura moi especial e necesaria. As encargadas de alzar a voz foron Martina, Wiam e Mía, de 4º A.
Presentáronnos o conto "A miña familia 3+1=7", unha historia que nos fala de igualdade, de novos xeitos de entender a convivencia e, sobre todo, do amor que une a calquera familia. Cun xeito de contar moi natural e próximo, as tres compañeiras fixéronnos reflexionar sobre o papel das mulleres e a importancia da corresponsabilidade na casa.
Non vos perdades a súa intervención neste vídeo, unha homenaxe fantástica a todas as mulleres da nosa comunidade:
Grazas, Martina, Wiam e Mía, por axudarnos a construír un colexio máis igualitario a través dos contos!