Como sabemos, onte celebrouse o Día da Paz, e aínda que tratamos de fomentala decotío, estes días dedicóuselle un pouco máis de atención.
Poucos recunchos quedaron no cole nos que non se fixese referencia a este valor tan importante.
Enorme como o noso desexo de paz, quedou o mural no que todos estamos presentes dalgún xeito.
Na biblioteca, preparáronnos esta escolma de libros que agardamos que vos gusten.
E en cada aula, realizáronse diversas actividades. Nesta de 4º D, cadaquén escolleu unha palabra que lle evocase a paz, para xuntos construír con elas un muro simbólico e estar sempre protexidos.
Aquí temos ao alumnado con Noemí, a mestra en prácticas que os vai acompañar durante unha tempada.
