O pasado mércores, 11 de marzo, a biblioteca encheuse de surrealismo grazas a Antón e Nerea, de 5º E. Os nosos compañeiros achegáronse para compartir unha lectura fascinante que nos fixo mirar as cousas dun xeito diferente.
Presentáronnos o libro "La manzana de Magritte". Cunha narración moi coidada, Antón e Nerea explicáronnos a historia deste pintor tan imaxinativo, invitándonos a todos a usar a nosa creatividade para ver máis alá do evidente. Foi unha sesión onde a arte e a lectura se deron a man, espertando a curiosidade de toda a clase por descubrir novos mundos a través dunha mazá.
Premede no vídeo para ver como Antón e Nerea nos mergullan no universo de Magritte dende a nosa biblioteca:
Moitas grazas, Antón e Nerea, por esta recomendación tan orixinal e por achegar o mundo da arte á biblioteca!
