O pasado venres, 17 de abril, o patio do noso colexio transformouse nunha verdadeira pista de adestramento. No marco do noso programa de Educación Vial, o alumnado de 3º curso participou nunha xornada sobre rodas baixo o lema: "Sé un superaxente de Educación Vial".
Bicicletas, patinetes e patíns foron os protagonistas dunha mañá diferente. Os nenos e nenas tiveron que demostrar a súa destreza percorrendo os circuítos preparados, respectando os sinais, as distancias e as normas de circulación. Foi a mellor forma de aprender que a seguridade vial non só é importante na rúa, senón que tamén pode ser moi divertida!
Queremos agradecer a participación e o entusiasmo de todos os rapaces e rapazas de terceiro, que demostraron ser uns condutores e condutoras de primeira, respectuosos e moi atentos.
Queres ver como se manexan sobre rodas? Aquí tes unha escolma de fotos en vídeo coas mellores imaxes da xornada e dos percorridos que fixeron as nosas clases de 3º no patio:
Moitos parabéns, Superaxentes! Grazas por darnos unha lección de civismo e por demostrar que sobre rodas tamén se aprende.