O pasado luns, 4 de maio, a semana non puido empezar de mellor xeito na nosa biblioteca. Emma e Giordana, de 2º C, foron as encargadas de abrir as sesións do mes coas divertidas ocorrencias de "El lobo en calzoncillos".
Cunha compenetración estupenda, estas dúas compañeiras demostraron que xa son unhas expertas narradoras. O público de segundo desfrutou de cadanseu momento desta historia onde o lobo, lonxe de ser fero, vólvese o protagonista das situacións máis disparatadas grazas á súa peculiar vestimenta.
É un pracer ver como Emma e Giordana comparten o gusto pola lectura con tanto entusiasmo e seguridade.
Queres rir coas aventuras do lobo? Aquí tes o vídeo da lectura que nos ofreceron Emma e Giordana:
Moitas grazas, rapazas, por este comezo de mes tan animado e por facernos pasar un rato tan xenial!