O pasado martes, 3 de marzo, a nosa biblioteca escolar volveu encherse de palabras fermosas. Desta volta, as protagonistas foron Yammi e Emmanuela, de 2º A, que nos regalaron un contacontos moi especial baseado na obra de Rosalía de Castro.
A través do conto "Parece unha rosa", Yammi e Emmanuela achegáronnos á figura da nosa poeta máis universal dun xeito doce e cativador. Foi un momento máxico no que a literatura e a emoción foron da man.
Non vos perdades o vídeo que gravamos coas súas lecturas; podedes velo xusto aquí debaixo:
Moitas grazas a estas dúas pequenas grandes lectoras por facernos desfrutar tanto coa nosa lingua!
