O pasado 8 de abril celebramos o Día Internacional do Pobo Xitano, unha xornada para poñer en valor a riqueza cultural, a historia e a identidade desta comunidade. Na nosa biblioteca non quixemos perder a oportunidade de sumarnos a esta celebración a través da literatura e do respecto.
A nosa mascota, Tin, estivo moi pendente das estanterías e seleccionou dúas recomendacións moi especiais para achegarnos a esta cultura:
"Alma", unha historia que nos fala de raíces e identidade.
"Kalia bajo las estrellas", un relato máxico que nos convida a ollar o ceo con outros ollos.
Pero a cousa non quedou aí! Leire e Darvin, de 3º B, transformáronse en contacontos para darlle voz a ese fantástico libro de "Kalia bajo las estrellas". Cun gran entusiasmo e unha lectura moi coidada, os dous compañeiros de terceiro axudáronnos a mergullarnos nesta historia de liberdade e soños baixo o manto da noite.
Queres viaxar coa imaxinación baixo as estrelas? Aquí podes ver o vídeo de Leire e Darvin compartindo connosco esta lectura tan especial:
Moitas grazas a Leire e a Darvin polo seu esforzo, e a Tin por axudarnos sempre a atopar os mellores libros para celebrar a diversidade!