AS NOSAS INVESTIGACIÓNS NA PRENSA

A clase de 4º B recibiu esta semana a visita de Xulio Pardo, mestre da Universidade da Coruña, que ten traballado sobre o tema escollido polos nosos rapaces dentro do proxecto de centro: a relación entre a lenda arousana de "Mariña" con outras lendas europeas, do que vos falamos aquí fai uns días.

Unha maneira xenial de poñerlle final á actividade!

A Voz de Galicia tamén estivo alí para documentar o momento do encontro. Picade na imaxe para ler a nova.

ACTIVIDADES DE 4º A

A piques xa de rematar, seguimos compartindo actividades que mostran o moito e diverso que levamos traballado ao longo do curso.

4º A preséntanos tarefas realizadas en relación con diferentes temas.

Ademais de para dar a coñecer o traballo, agardamos que algunhas delas vos poidan servir como recurso.

Vídeos en relación co Día do Libro 2019

En relación coa celebración das Letras Galegas, adicadas a Antonio Fraguas

E para rematar, traballos relacionados coa historia "Brave", escollida dentro do proxecto de centro.

DE SÁLVORA A COPENHAGUE

Nestes últimos días do curso, adoitamos mirar atrás para lembrar canto aprendemos.

Aquí está o resumo feito por 4º B do seu traballo en relación co proxecto de centro, "Ventín, un país de contos".

Eles escolleron o conto de "A Sereíña", de Andersen.

Premede na súa imaxe para velo, picade en "iniciar presentación", e premede na tecla "enter" para avanzar e ver todo.

Sen dúbida, ben interesante!

3º D E O SEU PROXECTO LECTOR

En 3º D, este curso, afondamos nos nosos medos a través do proxecto lector, por iso eleximos un marabilloso conto chamado Flis-Fli-Ris-Ras.

A través del, Martiño viaxa ao fondo do mar para vencer o medo contra a escuridade. 

A nós ocurríusenos crear un "comemedos" para botar nel os nosos medos e tratar de vencelos.

Por iso, cando temos agún problema, berramos: 

"Flis-Fli-Ris-Ras!"

Este é o noso "comemedos". Se algún medo te inquieta, venlle facer unha visita!

Aquí podedes ver que bonito quedou o noso corredor, decorado segundo este libro co que traballamos.

CONCURSO "ADIVIÑA O CONTO"

SOLUCIÓNS A "XOGAS CON NÓS?"

Aquí tedes os resultados dos problemiñas que nos deixaron as nosas personaxes de conto.

O certo é que elas xa comprobaron as vosas solucións, e fixéstelo moi ben!!!

Agás algún pequeno despiste, case todos destes coas solucións correctas. Agoraa sabemos que a próxima vez o podemos poñer un pouco máis difícil!

Noraboa a todos os que o fixestes ben, e os que non, só tedes que poñer unha chisca máis de atención a próxima vez.

XOGAS CON NÓS?

Rapaces, as personaxes dos contos que andan polos corredores do cole quérenvos poñer a proba.

Deixáronnos uns xogos matemáticos para que poñades en marcha a vosa cabeciña.

Seredes quen de resolvelos? Mirade cales son as do voso curso e adiante!

O venres 4 de maio, estarán as solucións aquí no blog e poderedes comprobar que tal o fixestes.

VENTÍN SEN MEDO

Dentro do proxecto "Ventín, un país de conto", os compañeiros de 3º C están traballando sobre o conto "Juan sin miedo".

Baseándose no mesmo, crearon entre todos esta divertida historia que titularon "Ventín sen medo". 

Aquí nola deixan.

UNHA ÁRBORE DE CONTO

Xa temos aquí o Nadal, e non podiamos deixar de decorar o cole para darlle a benvida.

Este curso, o noso proxecto leva por título

"Ventín, un país de contos"

e decidimos construír esta fermosa árbore en relación co mesmo, formándoa con un debuxo de cada un dos contos escollidos para traballar.

Quedou xenial! Vaia artistas temos!