ACTIVIDADES DE EDUCACIÓN FÍSICA

O alumnado dos niveis 1º e 2º pode acceder aquí abaixo a algunhas actividades desta área.

 https://drive.google.com/drive/folders/1JVxmHWTwDroiq2wvLBGpdSl6ukUWs5Wv?usp=sharing

Ademais, tendo en conta que o ideal son as actividades prácticas, dixámoslles estas outras suxerencias. 

Son válidas para o alumnado de todos os niveis, e case todas para pequenos e maiores.
Agardamos que vos axuden a pasar máis dun bo momento en familia no transcurso desta situación de recollemento na que nos atopamos.

PISTAS DE SQUASH NO NOSO COLE!

A Federación Galega de Squash tróuxonos hoxe dúas pistas inchables que estiveron no cole durante toda a mañá.

Deste xeito, o noso alumnado achegouse a este deporte, para algúns descoñecido, descubrindo así unha actividade máis coa que ocupar o seu tempo de lecer.

Dende aquí dámoslles moitas grazas pola súa visita.

XOGAMOS AO BÉISBOL!

Que ben o pasamos xogando ao béisbol na clase de educación física!

Esta semana tivemos con nós ao adestrador e a varios xogadores e xogadoras do equipo de Os Tilos.

Déronnos unhas clases fantásticas, ensinándonos en que consiste este deporte, sen esquecer os valores do compañeirismo e a deportividade.

Dámoslles as grazas por pasar estes días connosco!

Podedes ver algunhas fotos das clases picando aquí.

XOGAMOS AO WATERPOLO?

A semana pasada tivemos a sorte de coñecer un pouco máis un deporte tan divertido como é o waterpolo.

Foi da man de Xabier, o adestrador do Club Waterpolo Santiago, e de Cecilia, unha das súas xogadoras, que visitaron o noso cole.

Grazas a eles, puidemos ver o material que se emprega, saber que categorías hai, canto dura un partido, coñecer un pouco o reglamento e preguntar todo o que queriamos saber. 

Quedamos encantados de que estiveran con nós.
De parte do alumnado e das súas profes,
moitas grazas!