6º D pecha o Modo Galego cunhas reflexións

O alumnado de 6º D quixo compartir unha reflexión sobre o que significou para eles participar no programa Modo Galego. A través dunha mensaxe gravada, os rapaces e rapazas explicaron como esta iniciativa mudou os seus hábitos á hora de comunicarse.

O máis salientable da súa reflexión é que o reto traspasou as paredes da aula. Segundo comentan os propios alumnos, grazas a esta experiencia agora falan máis galego entre eles cando están no recreo e, o que é máis importante, tamén se lanzaron a falo máis nas súas casas coas súas familias.

Esta mensaxe de 6º D demostra que o galego gañou terreo nos espazos de xogo e no ámbito familiar, cumprindo así un dos grandes obxectivos de activarmos a nosa lingua.

Unha pequena gran lección que nos chega directamente desde a aula de 6º D! 

Escoita a reflexión de 6º D:

 

O temporal "Leonardo" non puido co noso ritmo: Gran festa final do Modo Galego

O pasado venres 6 de febreiro, o noso patio cuberto transformouse nun auténtico escenario de festa e orgullo lingüístico. A pesar da choiva e o vento que traía a treboada "Leonardo", nada puido frear as ganas de bailar e cantar de todo o alumnado participante no programa Modo Galego.

Tivemos o luxo de contar cunhas invitadas moi especiais: o grupo de música tradicional "As Maianas". Capitaneadas pola enerxética Xela Jorge, puxeron a todo o cole en pé para ensinarnos a coreografía do seu xa mítico tema: "Falo galego porque quero!!".

Entre risas, saltos e moito xeito, o alumnado demostrou que a nosa lingua é o mellor motor para a ledicia, incluso nos días máis grises. Foi o broche de ouro perfecto para unhas semanas cheas de retos, onde aprendemos que o galego nos une e nos fai vibrar.

Queredes ver como nos movimos ao ritmo da pandeireta? Aquí tedes os vídeos deste momento inesquecible!

Non queremos pechar esta crónica sen darlles un agradecemento moi especial a As Maianas e, por suposto, a Xela Jorge. A súa visita foi moito máis que unha actuación: foi unha inxección de enerxía, tradición e orgullo polo noso.

A pesar de que fóra a treboada "Leonardo" sopraba con forza, elas conseguiron que dentro do patio brillasen o sol e as ganas de bailar. Grazas por compartir con todos nós o voso talento, por ensinarnos que o galego se fala, se canta e se baila con alegría, e por facernos sentir que, efectivamente, "falamos galego porque queremos".

¡Agardamos vervos de novo moi pronto polas nosas aulas!

 

E seguimos co Modo Galego...

Velaquí os derradeiros traballos do programa:

 ACCIÓN! 3º B PONLLE O RAMO AOS RETOS CON MOITA ARTE

O alumnado de 3º B estivo traballando coma auténticos profesionais para superar os últimos desafíos do Modo Galego, e o resultado é tan bo que non podiamos gardalo só para nós. Por iso, hoxe estreamos o vídeo que recolle toda a enerxía, o esforzo e, sobre todo, o orgullo co que estes mozos e mozas falan e senten a nosa lingua.

Nesta montaxe poderedes ver como o equipo de 3º B superou cada proba con enxeño, demostrando que para eles o galego non é só unha materia, senón unha forma de divertirse e conectar cos demais. Dende frases motivadoras ata momentos cheos de risas, o vídeo é o resumo perfecto dunha semana onde a nosa lingua foi a verdadeira protagonista.

Dádelle ao play e desfrutade desta superprodución de 3º B!

 

O GALEGO ENTRA NA CASA E 1º A ESCOLLE AOS SEUS "PROFES ESTRELA" 

Os nenos e nenas de 1º A convertéronse en auténticos reporteiros por un día para contarnos un segredo: como anda o "Modo Galego" polas súas casas? Foi xenial descubrir como a nosa lingua tamén forma parte dos seus xogos, das ceas en familia e dos contos antes de durmir.

Pero o reto non quedou aí! Os pequenos tamén tiveron a difícil misión de mollar todos os seus sentidos para escoller ao profe ou á profe de todo o centro que mellor activa o galego. Con moita atención e moito agarimo, analizaron quen é esa persoa que máis os anima a falar e a querer o noso idioma cada vez que cruzan os corredores.

Queredes saber quen son os favoritos de 1º A e como se vive o galego nos seus fogares? ¡Pois non perdades detalle de todo o que nos contaron!

 

PALABRAS QUE SON UN AGASALLO: O RETO MÁIS DOCE DE 1º A

Os nenos e nenas de 1º A convertéronse en auténticos magos das palabras. Para este reto tan especial, a misión era sinxela pero chea de maxia: buscar na casa a súa palabra favorita en galego e elixir a unha persoa especial para agasallala.

Dende palabras que soan a bico ata outras que saben a aperta ou a xogo, os pequenos de primeiro foron espallando a nosa lingua por todo o cole e polas súas casas. Porque non hai mellor regalo que unha palabra dita co corazón!

Foi emocionante descubrir que palabras escolleron e a quen decidiron entregarlles os seus tesouros léxicos. Con embaixadores así, o futuro do galego está cheo de agarimo. ¡Un traballo de dez!

UNHA CHUVIA DE SORRISOS EN 1º A! O AGASALLO MÁIS DOCE DO COLE

En 1º A teñen claro que, ás veces, non fan falta palabras para dicilo todo. Por iso, para este reto tan especial, os máis pequenos convertéronse en auténticos "doadores de alegría". Como moitos deles aínda están decidindo se doan a súa voz, decidiron facer algo aínda máis máxico: doar o seu sorriso.

Cada neno e nena debuxou o seu sorriso nun papel e escribiu a mensaxe máis importante: "Este meu sorriso é para...". Algúns foron para os seus mellores amigos, outros para a familia e moitos para os seus profes, enchendo a aula de agarimo e bos desexos.

Foi emocionante ver como un simple debuxo pode iluminar toda unha clase. Se queredes que se vos contaxie a felicidade, non podedes perder o documento que prepararon.

 PARA QUITARSE O SOMBREIRO! 1º A PRESUME DE ESTILO

Os corredores do cole quedaron abraiados co estilo que teñen en 1º A. Para este reto, os máis pequenos da escola buscaron na casa os seus sombreiros e gorros máis divertidos e o resultado foi simplemente espectacular.

Estaban todos guapísimos e guapísimas, dándolle un toque de cor e moita alegría á clase coas súas escollas. Na foto que vos deixamos aquí abaixo podedes ver o ben que lles sentaban e o moito que disfrutaron presumindo de "look". ¡Menudos modelos temos en primeiro!

Aquí tedes a foto de familia coas súas mellores galas!

6º D ROMPE O ESCENARIO! O GRAN CONCERTO FINAL DO MODO GALEGO. 

Para poñer o broche de ouro ao Modo Galego, os artistas de 6º D decidiron que non había mellor xeito de despedirse que con moito ritmo. Despois de moitos ensaios, nervios e algunha que outra risa, a clase enteira uniu as súas voces para interpretar unha canción que xa se converteu no himno oficial do seu compromiso coa lingua.

Foi o momento máis emocionante da semana: todos a unha, afinando as gorxas e demostrando que cando traballamos en equipo, a nosa música soa moito máis forte. O vídeo desta actuación estelar xa está listo para dar a volta ao cole!

Preparade os oídos e subide o volume... aquí tedes o gran "hit" de 6º D!

IDEAS QUE BRILLAN! 4º D DÁLLE LUZ AO GALEGO COS SEUS LEMAS! 

En 4º D non se andan con chiquitas. O reto era pensar frases con "gancho" que nos animaran a todos a falar máis a nosa lingua, e o resultado foi unha auténtica explosión de enxeño.

Pero a cousa non quedou só nas palabras: cada alumno e alumna buscou o soporte máis creativo para que a súa mensaxe entrase polos ollos. O resultado? Unha colección de deseños únicos que demostran que o galego ten moito estilo.

Botádelle un ollo á galería de fotos que tedes aquí abaixo para ver o arte que teñen estes rapaces e rapazas. Son uns auténticos cracks do deseño! 

4º D QUEIMA ASFALTO COS TRABALINGUAS: A TODA MECHA E SEN FREOS!! 

O alumnado de 4º D aceptou o desafío de poñer a proba a súa axilidade lingüística e o resultado foi impresionante. Despois de practicar sen parar, os nenos e nenas lanzáronse a dicir os seus trabalinguas a unha velocidade de vertixe, demostrando que non hai frase difícil que se lles resista. No vídeo que vos deixamos aquí abaixo, podedes comprobar o rápido que lles vai a lingua e o ben que o pasaron superando este reto sen trabarse nin unha soa vez. ¡Dádelle ao play e intentade seguilos se podedes! 

4º C DÁLLE VOZ AOS SEUS LEMAS MÁIS CREATIVOS 

O alumnado de 4º C aceptou con moitas ganas o reto de pensar frases motivadoras para darlle un pulo ao uso da nosa lingua. Tras escoller os seus lemas favoritos, os nenos e nenas buscaron soportes creativos e orixinais para darlles vida e moita cor. No seguinte vídeo, podedes ver aos protagonistas compartindo as súas creacións e lendo estas mensaxes tan especiais que nos convidan a falar galego con orgullo. ¡Dádelle ao play e deixádevos inspirar polo seu talento! 

 

Terceira semana co Modo Galego. Actívao!

 A toda máquina: Terceira semana en "Modo Galego"

As aulas do noso cole seguen coas baterías cargadas, superando retos que nos fan medrar e sentir orgullo polo noso. Nesta terceira semana de Modo Galego, a creatividade volveu desbordar os corredores con novas misións cumpridas, moita imaxinación e, sobre todo, moita fachenda de lingua. Aquí vos deixamos unha escolma dos traballos e momentos máis especiais protagonizados polo noso alumnado!

6º D ALZA A VOZ: MENSAXES CON MOITO COMPROMISO

O alumnado de 6º D deu un paso adiante na defensa da nosa lingua cun reto cargado de intención e moito xeito. Nesta ocasión, os mozos e mozas escribiron notas cheas de argumentos dirixidas tanto aos seus familiares como a figuras influentes, desde políticos ata persoas famosas, para pedirlles que activen o galego no seu día a día. Para que o seu compromiso quedase gravado, a profe rexistrou nun vídeo estas mensaxes onde cada un explica os seus motivos con moita claridade. Un traballo fantástico que amosa que a mocidade de hoxe sabe moi ben como facerse escoitar para protexer o noso! 

6º D PONLLE XEITO E (MOITO SOMBREIRO) AO MODO GALEGO

Esta semana, a clase de 6º D volveu demostrar que cando se trata de botarlle imaxinación, non hai quen lles gañe. O reto consistía en vir ao cole cun sombreiro ben orixinal, e o resultado foi unha marea de cores e formas que encheron os corredores de alegría. Pero o momento máis especial viviuse cando todos xuntos uniron as súas voces para lanzar un berro de ánimo que retumbou en todo o centro: "¡O-B-R-A, todos xuntos, Obra!", amosando o seu apoio incondicional ao equipo e deixando claro que, con sombreiro ou sen el, o orgullo pola nosa lingua e polo noso deporte vai con eles a todas partes.

O "MODO GALEGO" CHEGA ÁS CASAS DE 3º B

O alumnado de 3º B compartiu con moito entusiasmo como vai o uso da nosa lingua nos seus fogares, contándonos como funciona o "Modo Galego" en familia. Ademais, os nenos e nenas convertéronse en xuíces por un día para escoller ao profesor ou profesora que máis e mellor os anima a falar galego en todo o centro. Unha iniciativa fantástica para darlle valor ao noso idioma e recoñecer a quen máis nos motiva a usalo a diario.

TALENTO E MOITOS SORRISO EN 3º B

O alumnado de 3º B encheu a aula de diversión cun reto dobre que nos deixou a todos coa boca aberta. Por unha banda, convertéronse en expertos en efectos de son xogando a transformar as súas voces e, por outra, repartiron alegría coa iniciativa "Regalamos Sorrisos", deseñando debuxos con dedicatorias cheas de cariño para os seus compañeiros e familias. Unha mestura perfecta de creatividade e bos sentimentos que demostra que nesta clase sobra arte e, sobre todo, moito corazón. 

4ºB RECITA ROSALÍA CON MOITO ARTE 

 A clase de 4º B encheuse de poesía co reto de Rosalía de Castro. O alumnado trouxo aprendidos os seus versos con moito agarimo, recitando e cantando con ese sentimento que só eles saben poñerlle. Foi un momento único para gozar das nosas verbas e demostrar que a voz da poeta segue máis viva que nunca grazas ao seu esforzo e entusiasmo.

 

 1º A XOGA COMO OS MAIORES

Menuda sorpresa levamos en 1º A descubrindo que para pasalo ben non fai falta moito máis que o que atopamos no camiño! Seguindo o reto de María, os pequenos e pequenas puxeron mans á obra para fabricar os seus propios xoguetes con bugallos, landras e ata algunha pataca. Foi un espectáculo velos concentrados aguzando os pauciños para que as súas buxainas bailasen con xeito. Entre risas e carreiras, demostraron que teñen unha maña incrible e que os xogos de sempre seguen sendo os máis divertidos. 

 A NOSA PEL FALA: A ARTE DE 1º A!

Esta semana en 1º A as nosas mans e brazos enchéronse de cor grazas ao reto das tatuaxes. Cun montón de imaxinación, os máis pequenos do cole deseñaron debuxos super orixinais para lucir con moita fachenda. Foi xenial ver como cada un buscaba o seu propio estilo para demostrar que nos encanta a nosa lingua e que nos gusta que todo o mundo o vexa. ¡Saíron uns artistas feitos e dereitos que non pararon de presumir dos seus debuxos por todo o corredor! 

LINGUAS LIXEIRAS EN 1º A!

O alumnado de 1º A puxo a proba a súa axilidade co reto dos trabalinguas, convertendo a aula nun auténtico festival de risas e concentración. Con moito esforzo e entre algunha que outra trabada de lingua, os pequenos e pequenas superaron o desafío de pronunciar as frases máis complicadas coa mellor das súas sorrisos. Un exercicio fantástico onde a diversión foi a clave para demostrar que, con práctica e moita arte, non hai palabra que se lles resista. 

 

VOCES CON ALMA: 1º A DÁLLE RITMO A ROSALÍA 

Os pequenos e pequenas de 1º A encheron a aula de emoción e talento grazas ao reto de Rosalía. Con moito entusiasmo, cada un trouxo aprendidos os seus versos favoritos para recitar ou cantar ao seu xeito, dándolle o seu propio estilo ás verbas da nosa poeta máis querida. Foi unha xornada máxica onde as voces máis novas do cole demostraron que a poesía está chea de vida e que o galego soa de marabilla cando se canta con tanta alegría.

 

 IDENTIDADE NA PEL: 5º B PRESUME DE DESEÑO GALEGO

O alumnado de 5º B sacou o seu lado máis artístico e reivindicativo para encher a pel de orgullo co reto das tatuaxes. Cun estilo único e moita precisión, cada un deseñou o seu propio selo de identidade para demostrar que o galego ten moita fachenda e tamén se leva no corazón e nos brazos. Entre cores e trazos orixinais, a clase converteuse nun estudio de creación onde a nosa lingua foi, sen dúbida, a gran protagonista do deseño. 

 

VOCES E SORRISOS: O RETO MÁIS XENEROSO DE 4º D 

A clase de 4º D amosou o seu lado máis solidario cun reto en familia dedicado a regalar o mellor de nós mesmos. Entre audios cargados de mensaxes e debuxos de sorrisos cheos de cor, o alumnado enviou o seu cariño a amigos, veciños e compañeiros. Foi unha xornada moi especial para recordar que a nosa lingua tamén serve para coidar aos demais e que un simple xesto, coma un sorriso debuxado, pode ser o mellor dos agasallos.

 

Segunda semana co Modo galego Actívao

Velaquí os traballos da segunda semana:

PEQUENOS GRANDES POETAS: 1º B CANTA A ROSALÍA 

Os nenos e nenas de 1º B encheron a aula de rima e ritmo co reto de Rosalía. Con moito arte e un chisco de nervios, cada un trouxo aprendidos uns versos para recitar ou cantar ao seu xeito, demostrando que a poesía tamén é cousa de nenos. Foi emocionante escoitar as voces máis pequenas do cole dándolle vida á nosa poeta máis querida cunha enerxía contaxiosa. En 1º B a lingua soa de marabilla! 

 

 3º B EN "MODO GALEGO": UNHA VIAXE SEN FREOS POLOS NOSOS RETOS 

A clase de 3º B mantén sempre activado o seu "Modo Galego", demostrando que calquera momento é perfecto para superar novos desafíos con enxeño e orgullo. Desde poñer a bailar os bugallos e deseñar tatuaxes con moito estilo, ata viaxar polo mundo coas palabras, cada reto superado é unha proba da súa inmensa creatividade. Estas imaxes e vídeos son o reflexo de moito esforzo e ilusión, onde a lingua e a diversión van sempre da man para demostrar que, en 3º B, non hai reto que se resista. 

• O alumnado de 3º B viaxa polo mundo e constrúe os seus propios xoguetes para activarse en "modo galego" cos retos  5 e 6. 

• O alumnado de 3º B convértese na orquestra da natureza creando a banda sonora do Rego da Andoriña co reto 4.

•  O alumnado de 3°B amosa algúns trabalinguas do reto 10 para activarse en galego.

•  O alumnado de 3º B homenaxea a Rosalía cos seus versos.

 

PINCELADAS DE ORGULLO: 1ºB TINTA A PEL DE CORES 

Os pequenos e pequenas de 1º B encheron as súas mans e brazos de cor para celebrar a nosa lingua co reto de Carlota. Convertidos en artistas por un día, deseñaron as súas propias tatuaxes e chapas, presumindo con moita ledicia de que o galego tamén se leva na pel. Unha explosión de creatividade e fachenda para os artistas máis novos do cole! 

PASAPORTE 4º D: VIAXANDO COAS PALABRAS 

A imaxinación de 4º D non tivo fronteiras grazas ao reto de Andy. Convertidos en sementes de bidueiro con superpoderes, os alumnos e alumnas viaxaron en familia ata os recunchos máis afastados do mapa, descubrindo novas culturas e as linguas que se falan arredor do globo. Unha aventura compartida que nos demostra que as palabras son a mellor ponte para coñecer o mundo. 

ORGULLO TATUADO! 4º D SACA PEITO POLA LINGUA

A clase de 4º D aceptou o reto de Carlota e converteuse nun estudio de deseño para fachendear de galego. Con tatuaxes na pel e chapas artesanais, cada alumno creou o seu propio selo de identidade para demostrar que a nosa lingua ten moito estilo. Creatividade e orgullo prendidos na roupa e na pel!

BUGALLOS CON RITMO: 4º D CREA AS SÚAS PROPIAS BUXAINAS 

O alumnado de 4º D aceptou o reto de Guadi e converteu bugallos, patacas e landras en xoguetes cheos de vida. Entre buxainas artesás e taboleiros de tres en raia feitos con elementos naturais, a clase demostrou que con imaxinación e un pouco de maña a diversión está asegurada. ¡Unha lección de creatividade en estado puro! 

 

UNHA CLASE DE POETAS E POETISAS: 6º D PONLLE VOZ AOS VERSOS DE ROSALÍA 

O alumnado de 6º D aceptou o desafío de converterse en rapsodas por un día, pero ao seu propio xeito. O reto consistía en traer aprendidos uns versos de Rosalía de Castro para recitar ou cantar na clase, dándolle cada un o seu toque persoal.

Cos seus recitados, a aula encheuse de poesía e creatividade. Foi emocionante ver como os versos de sempre cobraban nova vida nas voces dos rapaces e rapazas, demostrando que a nosa literatura rima con calquera estilo cando se lle pon ganas e "fachenda".

Xa vedes que esta clase segue cos retos diarios activándose. Parabéns

A TODO GAS! CARREIRAS DE TRABALINGUAS EN 6º D.

 A clase de 6º D viviu unha xornada de auténtica velocidade grazas ao reto proposto por María. Lonxe de correr coas pernas, os nosos alumnos e alumnas tiveron que demostrar a súa axilidade coa lingua en emocionantes carreiras de trabalinguas.

LINGUA CON MOITO ESTILO. 6º D MARCA TENDENCIA!

Seguindo a proposta de Carlota, o alumnado de 6º D sacou o seu lado máis creativo para converterse en deseñadores de "fachendas lingüísticas". Ollade que tatuaxes e debuxos tan chulos crearon.

 

O RETO DE GUADI EN 5º B: BUXAINAS CON MOITO RITMO

O alumnado de 5º B aceptou o reto de Guadi e puxo a proba a súa maña fabricando buxainas tradicionais con elementos da natureza. Con moito tino, converteron bugallos e pequenos paus en auténticos bailaretes que non deixaron de xirar por toda a aula. 

 

INVESTIGANDO AS TRADICIÓNS: 6º D AFONDA NO MUNDO DAS BUXAINAS

Mirade  que buxainas tan marabillosas crearon os alumnos de 6 D. Agora so queda bailalas! 

 

DIVERSIÓN NATURAL: 1º B CREA OS SEU PROPIOS XOGOS CON GUADI

A clase de 1º B gozou dunha xornada de xogos tradicionais grazas a un reto de Guadi que nos convidou a fabricar os nosos propios xoguetes con materiais sinxelos. Con moita maña, os pequenos e pequenas crearon bailaretes feitos con patacas, taboleiros de damas e de tres en raia usando cartón e fichas collidas do monte, e incluso divertidos xogos de encestar. Foi unha experiencia fantástica na que demostramos que cun pouco de imaxinación e materiais da casa ou da natureza, podemos construír a mellor diversión do mundo.

  

Primeira semana co Modo Galego Actívao

Un ano máis comezamos co programa "Modo Galego, Actívao!". Aquí vos deixamos unha pequena mostra das actividades desta semana

O mundo en familia: 5º B investiga novos destinos e linguas 

O MUNDO EN FAMILIA: 5º B INVESTIGA NOVOS DESTINOS E LINGUAS

Esta fin de semana, o alumnado de 5º B realizou un reto moi especial nas súas casas. Seguindo a proposta de Andy, imaxinaron que eran sementes de bidueiro que podían viaxar a calquera lugar do planeta.

O obxectivo era que cada neno e nena acordara coa súa familia un destino ao que lles gustaría viaxar e explicaran os motivos da súa elección. Ademais, tiveron que investigar que linguas se falan nese lugar para despois compartilo con todos nós. O luns puxemos en común todas estas viaxes e descubrimos a riqueza lingüística do noso mapa.

  

DE BIDUÍDO A LETONIA: 4º D ENGALA O SEU PASAPORTE LINGÜÍSTICO 

Nesta aventura, viaxamos ata Letonia da man dunha compañeira que leva este país no corazón, xa que o seu pai e a súa avoa son de alí. Grazas á súa historia, en 4º D non só descubrimos lugares novos, senón que aprendemos a importancia de coñecer as linguas e raíces que nos fan únicos. 

O MILLADOIRO PONSE A BAILAR! 4ºD DÁLLE RITMO AO REGO DA ANDORIÑA 

O alumnado de 4º D tomou as rendas do Reto 4 cunha enerxía especial. Nesta ocasión, a misión era crear unha banda sonora para un lugar moi próximo ao noso corazón. Como ben din os protagonistas: "Hoxe tócalle a Biduído e como somos do Milladoiro é a nosa parroquia". 

 

DE AMES AO FIN DO MUNDO: 6º D EXPLORA NOVOS HORIZONTES E LINGUAS

 Alejandro - Hungría

Laura - Austria

Lara - Bélxica 

Tiago - Dinamarca 

María - España 

 Gael - Finlandia 

Ivana - Eslovaquia 

 

Adrián S. - Lituania 

Pablo - Grecia  

Mathías - Eslovenia 

Nayara - Chipre 

Olga - Estonia 

Tiago V. - Polonia 

Juan - Irlanda 

Valentina - Romanía 

 

Sara - Italia 

Vera - Croacia 

 

Diana - Alemaña 

Alejandro J - Luxemburgo 

Manuel - Letonia 

SEMENTES DE 1º A: UNHA VIAXE CHEA DE PALABRAS E SABORES 

En 1º A estamos moi emocionados co novo reto. Esta fin de semana, convertémonos en sementes de bidueiro para buscar un lugar do mundo que nos guste moito.

A misión é sinxela pero moi divertida: decidir a onde nos gustaría viaxar, descubrir que lingua falan alí e, o máis importante... cal é a súa comida típica!

1º A ESTREA A "ORQUESTRA DA ANDORIÑA" 

O alumnado de 1º A prepara o concerto máis salvaxe de Ames. No seu novo reto do Modo Galego, converteranse en expertos en fauna para crear a banda sonora do Rego da Andoriña.

Desde "croacs" de ras ata o ritmo de cunchas e culleres, os pequenos e pequenas interpretarán xuntos os sons de animais reais ou inventados. Cun pouco de imaxinación e moito galego, 1º A demostrará que a nosa natureza ten moito ritmo. Afinen os oídos que comeza a función!

 

O TEMPO VÓLVESE TOLO EN 1º A

O alumnado de 1º A acaba de despedir aos homes e mulleres do tempo da tele para poñerse eles ao mando. No novo reto do Modo Galego, convertéronse en meteorólogos expertos para inventar o prognóstico máis disparatado para este sábado.

Nada de nubes e claros: en 1º A espéranse treboadas de apertas, ballóns de piruletas e ventos máxicos que mandan as guerras moi lonxe. Con este parte meteorolóxico tan especial, os pequenos e pequenas demostran que, en galego, ata o ceo pode ser como eles queiran. Preparemos os paraugas, que en 1º A vai chover diversión!

 

 

ATRACO NA FROITERÍA DE 1º A! 

O alumnado de 1º A acaba de poñer patas arriba a froitería co seu novo reto do Modo Galego. Esta vez, a misión consistiu en traer froita da casa, pero con truco: ¡había que cambiaR o nome e inventarlle un superpoder!

Desde "laranxas-imaxinadoras" ata "plátanos-voadores", os pequenos e pequenas demostraron que en galego a imaxinación non ten límites. Está claro que nesta clase o galego alimenta e divirte a partes iguais!

1º A ACTIVA O SEU "MODO GALEGO" 

O alumnado de 1º A iniciou con entusiasmo o programa Modo Galego Actívao. Nunha xornada chea de cor e compromiso, os pequenos e pequenas asinaron o seu pacto lingüístico, decididos a converter o galego na lingua protagonista dos seus xogos e conversas.

Con este paso, a clase comprométese a darlle un pulo ao noso idioma tanto dentro como fóra da aula. O vídeo amosa o momento da firma, onde cada neno e nena deixou a súa pegada para demostrar que, en 1º A, falar galego é todo un superpoder.

  

OS PAXARIÑOS DE 1º C AFINAN A VOZ NO REGO DA ANDORIÑA!

O alumnado de 1º C acaba de converterse nunha orquestra de natureza! Para superar o Reto 4, estes pequenos e pequenas artistas buscaron a música que soa no Rego da Andoriña. Entre chío e chío, e co ruído da auga de fondo, os nenos e nenas puxéronlle unha banda sonora chea de maxia ao noso concello. O seu "Modo Galego" soa de marabilla e demostraron que, aínda que son pequenos, teñen un oído musical de xigantes. ¡Bravo, artistas! 

 

 5º B DÁLLE AO "PLAY"! O REGO DA ANDORIÑA XA TEN O SEU HIT

O alumnado de 5º B sacou o seu lado máis artístico para superar o Reto 4 con moito ritmo. A misión era converterse en compositores e DJs para poñerlle banda sonora ao Rego da Andoriña. Entre notas musicais e o murmurio da auga, os escolares crearon unha sintonía perfecta que une a natureza de Ames co noso idioma. O "Modo Galego" de 5º B soa mellor que nunca e xa é o número 1 na lista de éxitos do cole. ¡Música, lingua e acción! 

 

 NIN UNHA GOTA DE ERRO! 5º B CLAVA A PREDICIÓN DO TEMPO DO RETO 3.

O equipo de 5º B transformouse nunha auténtica redacción de noticias meteorolóxicas para superar o Reto 3. A súa misión foi elaborar a predición do tempo para as distintas parroquias de Ames, demostrando que dominan o vocabulario de nubes e claros coma ninguén. Entre ballóns e chuvascos, os escolares "molláronse" pola lingua e deixaron claro que, faga sol ou chova, o seu Modo Galego sempre está activado e a proba de treboadas. ¡Obxectivo cumprido e mapa despexado! 

 

OBXECTIVO AMEIXENDA! 5º B ACTIVA O SEU MODO MÁIS DOCE

 O alumnado de 5º B acaba de completar o segundo desafío de "Modo Galego", viaxando coa imaxinación ata a parroquia de Ameixenda. Nesta misión, os rapaces e rapazas descubriron que o nome deste lugar garda unha estreita relación coas ameixeiras e as súas ricas froitas. Entre risas e palabras novas como "cirolas" ou "claudias", o grupo investigou a toponimia de Ames e a importancia de consumir produtos da terra, demostrando que o seu galego está tan san e forte como unha boa merenda de froita. ¡O mapa de retos xa ten un novo adhesivo e a clase xa apunta cara ao seguinte obxectivo!

 

A BANDA SONORA DA ANDORIÑA 

Nesta volta, o Reto 4 levounos ata a beira do Rego da Andoriña, pero non fomos de paseo, fomos facer música! Baixo a batuta do profe de música, a clase de 6º D converteuse nunha orquestra de animais moi especial. 

 

O PACTO DE 5ºB: PALABRA DE GALEGO!

Pensabades que o galego estaba pasado de moda? Pois en 5º B veñen demostrar que o que mola é darlle á lingua. Neste primeiro día a clase enteira asina un pacto para falar con máis xeito. Aquí non valen escusas: palabra dada, palabra sagrada. ¡Atentos a este grupo, que veñen coa lingua moi ben afiada!" 

 4ºD: MÁIS ENERXÍA CA UN FURACÁN!

Preparados para o despegue... ¡e para a chuvia! A tropa de 4º D chega ao Reto 3 decidida a quitarlle o posto aos da televisión. Con máis enerxía que un furacán e máis retranca que un domingo de feira, presentan unha información meteorolóxica que vos vai deixar pampos. Aquí non hai nubes negras, só ganas de aprender e moita vitamina de 4º D. ¡Pasen e vexan como escampa o talento!" 

 TORMENTA DE TALENTO EN 6º D. CHEGA O RETO 3!!

Din que nunca choveu que non escampara, pero o que está a piques de caer en 6º D é unha tormenta de talento. No seu Reto 3, os alumnos presentan a predición meteorolóxica máis auténtica da zona. Entre nubes e claros, demostran que para entender o tempo de Galicia non fai falta ser científico, abonda con ter sangue de 6º D nas veas. ¡Atentos ao mapa! 

  

RETO 2: 4º D DÁLLE AO DENTE!!

Din que quen ten un amigo ten un tesouro, pero en 4º D teñen algo mellor: unha macedonia enteira! Neste Reto 2, os alumnos deixan as lambonadas para demostrar que, á hora de falar de froitas, ninguén lles gaña en xeito nin en vitaminas. Pasen e vexan, porque estes rapaces... Son a pera!

CARGANDO... RETO 1 COMPLETADO CON ÉXITO POR 4º D. O FUTURO FÁLASE EN GALEGO!

O reto de hoxe consistía en coñecer un pouco mellor a parroquia de Agrón. Alá fomos voando e plantámonos na Ponte Maceira, coa nosa folla de carballo e sen esquecer o noso compromiso lingüístico. Que lugar máis fermoso!

 

MACEDONIA DE FROITAS EN 6º D (Reto 2)

Velaquí presentamos os traballos sobre as froitas dos nenos e nenas de 6º D. Vaia froitas máis interesantes nos achegaron! Parabéns!

 Manuel

 Adrián

 Alejandro

Diana

 

Esteban

 

 Noah

 

 Gael

 

 Ivana

 

 Lara

 

 Laura

 

 Lorena

 

 María

 

 Nayara

 

Olga

 

Pablo

 

 Mathías

 

Juan

 

 Sara

 

Valentina

 

Vera

 

 Thiago

1º A COMEZA CO MODO GALEGO

6ºD COMEZA CO MODO GALEGO