TODOS OS BEBÉS SON TU

 Como peche da semana das Letras Galegas, deixámosvos este vídeo preparado polo alumnado de 1º A e 1º E, que está inspirado no libro dos Bolechas "Todos os bebés son tu", dedicado a Xela Arias.

MÁIS MAIOS 2021

O alumnado de 5º D elaborou uns pequenos maios e cantou unhas coplas feitas por eles.

Dáselles moi ben!!!

Tamén os nenos e nenas de 1º B queren compartir con nós as súas coplas, que cantan así de ben!

CERTAME DE POESÍA DE PRIMAVERA: O RESULTADO

Resultounos moi difícil a elección porque todas eran boísimas, pero... xa temos aquí as poesías gañadoras do Certame de Poesía de Primavera!

Parabéns e grazas a todas e todos pola vosa participación!

A vindeira semana continuaremos celebrando o mes do libro.

Prestade moita atención porque iremos subindo contos escritos e ilustrados por algúns dos vosos compañeiros e compañeiras.

TIN PRESÉNTANOS... O CERTAME DE POESÍA DE PRIMAVERA!

A biblioteca do cole e o equipo de dinamización da lingua galega, convocan este certame de poesía que nos presenta Tin, para todo o alumnado.

Premede na imaxe para poder ler mellor.

O RAP DE ROSALÍA

 Continuando cos poemas de Rosalía de Castro,

o alumnado de 5º A, rapea "Xan".

Agardamos que vos guste!

"AIRIÑOS AIRES"

Recitando este poema de Rosalía, Luana, de 3º C.

RECITANDO "MIÑA SANTIÑA" E "HASLLE CANTAR"

 Celtia e Suevia, de 6º C e de 3º C,

recitan cadanseu poema de Rosalía.

 

"ADIÓS RÍOS, ADIÓS FONTES"

Juan Enrique, Enzo, Lucas, Valentina, Nuno e David,

de 1º B,  recitan esta poesía.

"CANTARES GALEGOS"

 

O alumnado de 5º D, recita un poema de Rosalía, de "Cantares Galegos".

"FOLLAS NOVAS"

Xa temos aquí o primeiro vosos poemas!

É de Xoel, de 3º D, que o recita xenial.

Moitas grazas, Xoel!

DÍA DE ROSALÍA 2021

 Tin, xunto co Equipo de Dinamización da Lingua Galega, faivos unha proposta para o Día de Rosalía.

 

BENVIDO, MECO!

 Está claro que ao Meco non hai quen o deteña!

Xa está aquí co seu mandado para o luns.

Lede con atención!

DEBUXANDO LEMAS POLA PAZ

Fai uns días que lle pedimos ao noso alumnado a súa colaboración para escoller o noso Lema pola Paz 2021.

Pois aquí temos o resultado da votación, este é o lema escollido!

Por suposto, os demais lemas tamén teñen un lugar no cole e están recollidos neste gran mural que decora a entrada.

Vacínate pola paz!

O NOSO LEMA POLA PAZ 2021

Unha vez máis, conmemoramos o Día da Paz que está próximo a chegar, creando un lema que manifeste o noso desexo de paz no mundo enteiro.

Esta semana, estiveron en marcha todas as cabeciñas para idear os lemas máis representativos da nosa ansia de paz.

Coma sempre, todos son xeniais, pero imos escoller un contando coa opinión de todo o cole.

Aquí temos tres seleccionados, agora toca que cada clase vote polo que máis lle gusta.

Lembrade que é un voto por aula, e adiante!

OS MELLORES DESEXOS DESDE O CEP DE VENTíN

Desde o EDLG queremos agradecer ao profesorado e alumnado de 1º e 2º a súa participación no "Certame de Postais de Nadal".

Foi un éxito e todas e cada unha delas son preciosas e están debuxadas con moito agarimo.

Presentamos as finalistas e a gañadora coa que felicitaremos as festas ás familias. 

Moitas grazas.

 

En primeiro lugar, temos catro finalistas:

A postal de Diana, de 1º A

 

A de Valeria, de 1º E

A de Cristina, de 2º C

 E a de Roi, de 2º D

 

E a postal ganadora é...

esta creada por Samuel, de 2º D!

Desde a Comunidade Educativa de Ventín,

queremos desexarlles un Nadal cheo de saúde, amor e esperanza.

Bo Nadal e feliz 2021

CERTAME DE CONTOS DE MEDO 2020

 Grazas a todo o alumnado pola vosa participación no certame de contos que organizamos no cole con motivo do Samagosto.

Todos os contos están fenomenal e pasamos moito medo!!!

Pero coma sempre, aínda que todos mereceriades un premio, tivemos que escoller.

Aquí están as gañadoras e gañadores:

 

"A familia máis terrorífica", do grupo de 1º C

"Os coellos embruxados", de Clara S. de 2º D

"Eu coñecín un trasno", de Mara G. de 3º B

"A bruxa mollada", de Pedro B. de 4º C

 

"Unha misión complicada", de Gael R. de 5º D

"A peor noite", de Alicia L. de 6º A

 

UN SAMAGOSTO... DE MEDO!

Como dixemos hai uns días, o Samagosto tróuxonos diferentes actividades. 

Entre elas, o concurso de debuxo das castañas e das cabazas terroríficas.

Moito coidado ao entrar nas aulas, que andan por aí expostas e podedes levar un bo susto!

Podédelas ver todas neste vídeo.

Ademais, hoxe presentamos aquí os debuxos premiados!

Noraboa aos seus autores e autoras!

Mirade que ben lles quedaron, e non perdades o que ven máis abaixo.

Para continuar coa celebración, as profes Amalia e Elvira

cóntannos unha historia de moooito meeedooo!

 

E para rematar... estas recomendacións lectoras.

SAMAGOSTO 2020

Alguén pensou que este ano iamos quedar sen o noso tradicional Samagosto?

Diso nada!  Aquí chega coma sempre, cargado de acontecementos.

                        

MÁIS DAS LETRAS GALEGAS NAS CASAS

Uxía, de 6º C, comparte con todos nós estas bonitas cantigas que interpreta xunto coa súa irmá e as súas curmás.

Hai que ver que ben o fan!!!

Son unhas auténticas artistas. Grazas, rapazas!

CELEBRANDO OS MAIOS

O alumnado de 6º C celebrou os Maios... desde a casa!

Agardamos desfrutedes do seu traballo feito con moito agarimo para todos vós.

Premede na imaxe para velo.

Coplas creadas polos nenos e nenas de 6º C e

tema musical "Aí ven o Maio" de Mar Davila e Genma Lareo

Gustavo, de 3º tamén o quixo celebrar e compartir con nós. Premede na imaxe para escoitar as súas coplas.

Grazas a todos!!!