OS MELLORES DESEXOS DESDE O CEP DE VENTíN

Desde o EDLG queremos agradecer ao profesorado e alumnado de 1º e 2º a súa participación no "Certame de Postais de Nadal".

Foi un éxito e todas e cada unha delas son preciosas e están debuxadas con moito agarimo.

Presentamos as finalistas e a gañadora coa que felicitaremos as festas ás familias. 

Moitas grazas.

 

En primeiro lugar, temos catro finalistas:

A postal de Diana, de 1º A

 

A de Valeria, de 1º E

A de Cristina, de 2º C

 E a de Roi, de 2º D

 

E a postal ganadora é...

esta creada por Samuel, de 2º D!

Desde a Comunidade Educativa de Ventín,

queremos desexarlles un Nadal cheo de saúde, amor e esperanza.

Bo Nadal e feliz 2021

FELIZ NADAL

As mestras e mestres do 5º nivel, queremos desexar ao noso alumnado e ás súas familias un Bo Nadal e que nunca perdamos o sorriso.

 

 

NADAL EN 3º A

 O grupo de 3º A elaborou este vídeo co que vos quere desexar unhas Felices Festas.

CONTOS DOS COMPAÑEIROS DESDE A BIBLIO

Chegou o Nadal, e como cada ano, aquí están as propostas de lectura das bibliotecas do concello.

 

 

Ademais, como estamos en tempo de agasallos, 

 dous compañeiros, Marco e Gael, de 5º D, 

cóntannos o ben que o podemos pasar cuns xoguetes un pouco diferentes.   

XOGOS DE NADAL

Neste mes do Nadal, chegan de novo os nosos xogos!

Tráenolos Papá Noel e son moi doados, seguro que os resolvedes!

Se o conseguides, enviádenos a resposta. Debaixo de cada xogo tedes un espazo para escribila, poñede tamén abaixo de todo o voso nome e curso e logo, premede en enviar.

O NOSO FESTIVAL DE NADAL

Comezamos o novo ano lembrando o anterior. 

Facémolo co resumo do festival de Nadal.

Que ben o pasamos!

Picade aquí se queredes ver o vídeo que os nenos de 3º B elaboraron en relación coa canción que cantaron no festival.

FELICITACIÓN DE NADAL

Hoxe coñecemos, por fin, a postal escollida como felicitación de Nadal do CEP de Ventín no noso concurso!

Noraboa a Daniela C. de 1º A que fixo este estupendo debuxo!

Con ela querémosvos transmitir os nosos mellores desexos para unhas vacacións e unhas festas repletas de ledicia.

Ata o vindeiro ano!

PREPARANDO O NADAL!

Levamos xa uns días coas actividades navideñas. De feito, dando unha volta polos corredores, pódese ver o noso traballo por todo o cole.

Murais diversos forman parte da nosa decoración.

Por suposto, non esquecemos o noso proxecto integrado, "Mulleres na historia".

Isto son só un par de exemplos, pero fixemos outras cousas, como esta panxoliña elaborada entre todo o alumnado, que cantaremos o venres cando festexemos o Nadal.

Aquí vos queda para que a poidades preparar e cantar ben alto!

CONCURSO DE POSTAIS DO CEP DE VENTÍN

Foron moitas as postais presentadas para o noso concurso.

De entre todas elas, sairá escollida unha que será a felicitación de Nadal do noso cole.

Cal será? Non tardaremos moito en sabelo!

Picando sobre esta imaxe do mural que elaboramos, podedes ver cada unha delas.

PASATEMPOS DE NADAL

Acabamos de entrar en decembro, e xa o ambiente de Nadal inunda todo ao noso arredor. Aquí tamén o deixamos entrar, propoñéndovos estas actividades.

Comezamos con dúas das panxoliñas tradicionais máis coñecidas, que podedes escoitar aquí abaixo:
"La Marimorena" e "Los peces en el río".

O reno Rodolfo, preséntavos unhas frases de cada unha delas, pero desordenáronselle as palabras.
O que tedes que facer é ordenalas e escribilas.

E despois das panxoliñas, seredes quen de atopar na sopa de letras seis palabras relacionadas co Nadal?
Poden estar en horizontal, vertical, ou diagonal.


Animádevos a participar, e despois de escribir todas as respostas, non esquezades poñer o voso nome e curso para que saibamos quen sodes.

                  La Marimorena                                 Los peces en el río

FELICITACIÓNS DO CENTRO DE DÍA DO MILLADOIRO

Este Nadal pasado, fixemos no cole un concurso de tarxetas de Nadal que nos quedaron xeniais, e quixemos mandarllas aos centros de día de Bertamiráns e do Milladoiro.

Como resposta, o centro de día do Milladoiro mandounos a nós estas, e hoxe presentámolas aquí, como mostra do noso agradecemento.

Moitas grazas a todos!!!

Recibilas foi unha sorpresa que nos encantou!

FELIZ ANO NOVO!

Despois deste merecido descanso de Nadal, desexámosvos a todos un feliz e proveitoso ano 2019!

E para darvos a benvida ao segudo trimestre, deixámovos unhas cousiñas da nosa celebración do Nadal.

Os nenos que participaron no concurso de tarxetas de Nadal, recibiron o seu premio ese día:

Aquí temos á gañadora, Lucía, de 2º C.

E estes son os compañeiros que tamén recibiron un pequeno agasallo polas tarxetas xeniais que presentaron.

Aquí tedes a canción de Nadal en francés que interpretaron os nenos e nenas de 6º e de 3º D, "Noël, que du bonheur".

CANTAMOS "VIVE LE VENT"

Entre tantas cancións en francés, non podía faltar unha cantada polos nosos rapaces e rapazas.

Na celebración do Nadal, o alumnado de 6º presentounos a panxoliña
"Vive le vent", acompañado polos nenos e nenas de 2º E.

Que ben o fixeron!

UNHA ÁRBORE DE CONTO

Xa temos aquí o Nadal, e non podiamos deixar de decorar o cole para darlle a benvida.

Este curso, o noso proxecto leva por título

"Ventín, un país de contos"

e decidimos construír esta fermosa árbore en relación co mesmo, formándoa con un debuxo de cada un dos contos escollidos para traballar.

Quedou xenial! Vaia artistas temos!

SABES COMO CELEBRAN O NADAL EN FRANCIA?

Ímosvos amosar algunhas costumes dos países de fala francesa en relación co Nadal.

Mediante a primeira actividade, poderedes coñecer panxoliñas en francés, pratos típicos da época do Nadal, costumes en canto a decoración e tradicións diversas. Picade na imaxe para acceder.

E se quedastes con gana de preparar algún prato especial para celebrar estas festas, picade na imaxe inferior, veredes unhas saborosas receitas. 

Que aproveite!

JOYEUX NÖEL

Xa estamos aprendendo sobre o Nadal na clase de francés! 

Queres aprender con nós? Bota unha ollada ao seguinte.