MÁIS DAS LETRAS GALEGAS NAS CASAS

Uxía, de 6º C, comparte con todos nós estas bonitas cantigas que interpreta xunto coa súa irmá e as súas curmás.

Hai que ver que ben o fan!!!

Son unhas auténticas artistas. Grazas, rapazas!

MÁIS SOBRE AS LETRAS GALEGAS

O alumnado do 3º nivel quere homenaxear a Ricardo Carvalho Calero con estes fantásticos traballos.
Premede na imaxe para velos.

Ademais, as mestras de 3º, prepararon este divertido xogo no que podedes participar todos!

E para rematar por hoxe, deixámosvos este fermoso conto do autor homenaxeado: "As pitas baixo a chuvia".

ESCAPE ROOM DAS LETRAS: CARVALHO CALERO

Desde a clase de 6º B, traemos este xogo sobre a vida e a obra do autor homenaxeado este ano no Día das Letras Galegas.

Seredes quen de superar todas as probas e resolver os misterios?

Antes de comezar, lede aquí algo de información que vos axudará.

CELEBRANDO OS MAIOS

O alumnado de 6º C celebrou os Maios... desde a casa!

Agardamos desfrutedes do seu traballo feito con moito agarimo para todos vós.

Premede na imaxe para velo.

Coplas creadas polos nenos e nenas de 6º C e

tema musical "Aí ven o Maio" de Mar Davila e Genma Lareo

Gustavo, de 3º tamén o quixo celebrar e compartir con nós. Premede na imaxe para escoitar as súas coplas.

Grazas a todos!!!

LETRAS GALEGAS 2020

O Día das Letras Galegas 2020 está a piques de chegar. Estará adicado, como moitos xa saberedes, a Ricardo Carvalho Calero. 

O equipo de dinamización da lingua galega, preparouvos esta información para que poidades saber un pouco máis del.

Tamén prepararon estes carteis nos que tedes a información resumida.

Premede en cada un deles para amplialo.

 

 

 

 

Para rematar, deixámosvos aquí o acceso ao Seminario Galán, que coma cada ano nos ofrece diversas actividades arredor do autor homenaxeado neste día.

MAIOS 2019

A semana pasada estivemos de celebracións. Non só festexamos as Letras Galegas, os Maios tamén tiveron a súa festa no noso cole!

Foi un festexo do máis colaborativo, xa que coa aportación de todos, construímos un maio e unha alfombra fantásticos.

Uns recolleron fiúncho, outros trouxeron laranxas e limóns, uns formaron cadeas de flores, outros trouxeron ovos... e todos, todos, elaboraron montóns de flores de papel coas que fixemos a nosa alfombra floral.

E non quedou aí a cousa.

Tamén houbo cancións relacionadas coa tradición dos Maios, entre elas, unhas coplas compostas entre todos, nas que cada nivel ten a súa estrofa.

 

Máis fotos aquí.

FESTEXAMOS AS LETRAS E OS MAIOS

O mes de maio é mes de celebracións.
Dos tradicionais Maios, e tamén das Letras Galegas, que nós celebramos de xeito conxunto.

E para a ocasión fixemos un maio, tivemos xogos tradicionais, un precioso festival, no que varios nenos do cole nos deleitaron coas súas interpretacións, cantamos o himno galego e bailamos a muiñeira, e ata un concerto de Paco Nogueira!

Deste último poderedes ver algo noutra entrada, esta reservámola para os nosos artistas.

Mirade, mirade...

A semana das Letras Galegas foi única no CEP de Ventín, non só puidemos coñecer un pouco máis a vida e a obra de Carlos Casares, se non que celebramos os maios.

Aquí vos deixamos a cantarela deste ano elaborada polo alumnado do centro.

CANTARELA DO MAIO

Os rapaces de Ventín

imos celebrar os Maios,

conservando tradicións

dos nosos antepasados.

(Retrouso) 

Cantamos todos xuntos?                  

Cantamos si señor!               

Celebramos o Maio                   

Con moita ilusión.

Con moita ilusión.

Con moita ilusión.                  

Cantamos todos xuntos?

Cantamos si señor!

Xa está chegando o Maio,

xa está chegando aquí,

non  deixedes de cantalo,

non deixedes de aplaudir.

(Retrouso)

Aí ven o Maio florido,

chega ao cole de Ventín,

para alegrar aos nenos,

coas flores dos seus xardíns!

(Retrouso)

Nos Maios aquí en Ventín,

poderás ti descubrir,

moitos bailes e cancións

para disfrutar e rir.

(Retrouso)

O Maio chegou coas flores,

e máis con Carlos Casares,

as letriñas van bailando,

mentres facemos cantares.

(Retrouso)

O maio no Milladoiro,

ten pampillos e máis flores.

Cando os nenos van cantando

brillan todas esas cores.

A continuación podedes ver tamén, un anaquiño da celebración.

Letras Galegas e Maios - Kizoa Editar Videos - Movie Maker