As recomendacións non paran na nosa biblioteca! O alumnado segue a descubrir historias fascinantes e, como xa é costume, prepararon un vídeo amosando as portadas daqueles libros que os cativaron este mes. Temos de todo: dende clásicos do cómic ata poesía e moito humor.
Nesta xeira de recomendacións, os compañeiros de 1º D convídannos a facer deporte coas mans co título "Os Bolechas xogan ao balomán", mentres que en 2º D aposta pola sensibilidade e os versos de Manuel María con "Os soños na gaiola". Pola súa banda, dende 3º A recoméndannos unha historia chea de creatividade titulada "Unha estatua e dous artistas".
A diversión continúa co alumnado de 4º A, que nos trae as gargalladas aseguradas de Mortadelo y Filemón na súa aventura "Los monstruos". En 5º E presentan un título que promete moitas risas, "A señorita Riqui é un pouco friqui", e pechamos as propostas co grupo de 6º B, que nos convida a coñecer a súa última descuberta: "Primeiro libro con Manola".
Aínda non tes lectura para hoxe? No seguinte vídeo podes ver todas estas portadas e elixir a que máis che guste. Dale ao play!
Grazas a todos os cursos por seguir alimentando as nosas gañas de ler e por compartir as vosas portadas favoritas!
